İyulun 17-si və 31-də 123 min abituriyent ali və orta ixtisas məktəblərinə qəbul üçün test imtahanı verib. Bu barədə Tələbə Qəbulu üzrə Dövlət Komissiyasının sədri Məleykə Abbaszadə iyulun 31-də keçirdiyi mətbuat konfransında məlumat verib.
O, qeyd edib ki, avqustun 1-dən etibarən imtahan nəticələrinin yoxlanılmasına başlanacaq. Cavabların yaxın 10 gün ərzində ictimaiyyətə açıqlanması nəzərdə tutulur. Məleykə Abbaszadə deyib ki, bu il 250 baldan aşağı nəticə göstərən abituriyentlər ali məktəbə daxil ola bilməyəcəklər. Bu abituriyentlər texnikumlara sənəd verə bilərlər. Məlumatı ANS yayıb.
