Tələbə Qəbulu üzrə Dövlət Komissiyası (TQDK) iyulun 31-də 2007/2008-ci tədris ili üçün Azərbaycanın ali məktəblərinə IV ixtisas qrupu üzrə qəbul imtahanı keçirib. Bu qrupa tibb, kimya, biologiya və xüsusi qabiliyyət tələb edən ixtisaslar daxildir.
IV qrupa daxil olan 25 ixtisas üzrə 10 dövlət və 1 özəl ali məktəblərdə mütəxəssis hazırlığı aparılır.
Bu qrup üzrə bu il 14095 abituriyent sənəd təqdim edib. Bakı şəhərində 13024, Naxçıvanda 1071 abituriyent imtahan verib.
IV ixtisas qrupu üzrə ən yaşlı abituriyent 1958-ci, ən gənc isə 1992-ci ildə anadan olub.
TQDK-nın statistik araşdırmasına görə, bu il təhsillərini IV qrup üzrə davam etdirmək arzusunda olanların sayı ötən illərlə müqayisədə daha çoxdur.