«Azərbaycanda taxıl qıtlığının olması barədə deyilənlər şayiədən başqa bir şey deyil».
Kənd təsərrüfatı naziri İsmət Abbasov deyir ki, bu ilin sonuna qədər ölkədə 1 milyon 482 min ton taxıl istehsal ediləcək. Gələn il üçün əlavə 600 min ton ehtiyat taxıl da qalacaq. Bu haqda ANS TV xəbər verir.
Nazir iyulun 27-də qüvvəyə minmiş, ölkəyə gətirilən buğdanın əlavə dəyər vergisindən azad edilməsi haqqında qərara da münasibətini bildirib. Deyib ki, bu qərar bir ildən sonra öz qüvvəsini itirəcək. Bu müddət ərzində isə fermerlər digər ölkələrdən keyfiyyətli toxumlar idxal etməlidirlər.
