Son altı ayda 141 mindən çox adam ümumvətəndaşlıq pasportu, 280 mindən çox vətəndaş isə şəxsiyyət vəsiqəsi alıb. Daxili İşlər naziri Ramil Usubov son altı ayın yekunları ilə bağlı kollegiya iclasında belə deyib. Nazir bu sahədə xidmətin yaxşılaşdırıldığını, qayda-qanuna riayət edilməsinin diqqət mərkəzində saxlandığını bildirib. O, həmçinin bu ilin əvvəlindən Rusiya və Ukraynada yaşayan azərbaycanlılara şəxsiyyət vəsiqəsi verilməsinə başlandığını da vurğulayıb.