Beş bolqar tibb bacısına və bir fələstinli həkimə Liviyada ömürlük həbs cəzası veriblər. Onları təqribən 400 uşağı HİV virusuna yoluxdurmaqda günahlandırırlar. Bolqarıstan Liviyadan məhbusların cəzalarını öz ölkələrində çəkməsini xahiş edirdi.
Məhbusları Bolqarıstanın paytaxtı Sofiyaya Avropa Birliyinin komissarı Benita Ferrero Valdner müşayiət edib.
Xanim Valdner Fransa prezidentinin həyat yoldaşı Sesiliya Sarkozi ilə birgə məhbusların Bolqarıstana qaytarılmasını razılaşdırmaq üçün Liviyaya getmişdi.
5 bolqar tibb bacısı və fələstinli həkim Liviya hökuməti tərəfindən 430 uşağın qəsdən HİV-ə yoluxdurmaqda günahlandırılırlar. Onlar haqda 2004-cü ilin mayında və 2006-cı ilin dekabrında ölüm hökmü çıxarılıb. Sonradan bu hökm ömürlük həbs cəzası ilə əvəz olunub. 1999-cu ildən həbsdə saxlanılan tibb işçiləri özlərini günahkar saymırlar.