Keçid linkləri

2024, 29 Mart, Cümə, Bakı vaxtı 10:04

Böhtanla bağlı qəzetlərə 700 min manata yaxın cərimə kəsilib


Yarım ildə mətbuata qarşı 60-dan çox məhkəmə davası açılıb
Yarım ildə mətbuata qarşı 60-dan çox məhkəmə davası açılıb

Diffamasiya ilə bağlı məhkəmə qətnamələrilə qəzetlərin üzərinə qoyulan cərimələrin məbləği 700 min manat civarındadır. Bu məbləğin yarıdan çoxu ən tirajlı qəzetlərin – «Azadlıq» və «Yeni Müsavat»ın payına düşür. Bunu Media Hüququ İnstitutu iyulun 20-də yaydığı hesabatında açıqlayıb. Məlum olub ki, yarım ildə mətbuata və jurnalistlərə qarşı şərəf, ləyaqət, işgüzar nüfuzun müdafiəsi ilə bağlı 60-dan çox məhkəmə davası açılıb. Bu göstərici 2005-ci ilin uyğun göstəriciləri ilə müqayisədə 10 dəfə çoxdur. Ən ağır nəticələnən qarayaxma hədəfləri «Gündəlik Azərbaycan», «Realnı Azerbajdjan», «Azadlıq», «Müxalifət», «Nota bene», «Yeni Müsavat», «24 saat» qəzetləri olublar. 2007-ci ilin birinci yarısında ölkə məhkəmələri 7 tənqidçi jurnalisti yazılarına görə ən ağır cəzaya məhkum edib. Media Hüququ İnstitutunun rəhbəri Rəşid Hacılı medianın hüququ durumu ilə bağlı bildirib ki, qeyri-rəsmi açıqlamalara əsasən, ölkədə əhalinin 60 faizə qədəri çanaq antenalardan istifadə edir.


O, hesab edir ki, buna ANS-in sıxışdırılması, Türkiyənin «Kanal D» televiziyasının yayımının dayandırılması, Türkiyənin STV və Rusiya kanallarının bağlanacağı barədə danışıqlar da səbəb olub.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG