Yaponiyada Atom Elektrik Stansiyasında zəlzələ nəticəsində radioaktiv su sızması baş verib.
Mütəxəssislər əmin edirlər ki, təhlükə yoxdur – sızma çox cüzidir.
Güclü zəlzələ iyulun 16-da baş verib. Azı altı nəfər həlak olub, yüzlərlə yaralı var.
Zəlzələnin episentrində - ölkənin şimal-qərbində yüzlərlə taxta ev dağılıb. Yerli Atom Elektrik Stansiyasında yanğın başlayıb, amma tezliklə söndürülüb.
Yeraltı təkanların gücü Rixter cədvəli ilə 6-8 bala çatıb.
Yapon dənizi sahilindəki əhali sunami təhlükəsi barədə xəbərdar edilib.