İyulun 14-də Milli Parkda konsert və atəşfəşanlıq olacaq. Mərasim keçmiş prezident Heydər Əliyevin 1969-cu ildə Azərbaycanda hakimiyyətə gəlişinin ildönümü münasibətilə təşkil edilir.
Tədbirin təşkilatçıları Bakı Şəhər İcra Hakimiyyəti və AzTV-dir.
Saat 21-də başlanacaq konsertdə Azərbaycanın incəsənət xadimləri çıxış edəcək. Atəşfəşanlıq isə saat 23-də başlayacaq və 15 dəqiqə davam edəcək.
Keçmiş prezident Heydər Əliyev 1969-cu il iyulun 14-də Azərbaycan SSR Kommunist Partiyasının Mərkəzi Komitəsinin birinci katibi seçilib.