Keçid linkləri

2016, 09 Dekabr, Cümə, Bakı vaxtı 15:51

ABŞ-la təhlükəsizlik dialoqu 2008-ci ilin iyulunda davam etdiriləcək


İraqda Azərbaycan hərbçiləri

İraqda Azərbaycan hərbçiləri

Bu barədə ABŞ və Azərbaycan hökumətlərinin təhlükəsizlik dialoquna dair birgə bəyanatda məlumat verilir.


İyulun 10-da yayılan həmin sənəddə qeyd edilir ki, «təhlükəsizliyə görə məsuliyyət təkcə hərbçilərin üzərinə düşmür: uzunmüddətli təhlükəsizliyin təmin olunması üçün demokratikləşmə müstəsna əhəmiyyətə malikdir».


Sənəddə həmçinin bildirilir: «Amerika Birləşmiş Ştatları hökuməti Azərbaycanın suverenliyi, müstəqilliyi və ərazi bütövlüyünə sadiqdir və üç şərik prioritet sahədə irəliləyiş görmək istərdi: təhlükəsizlik əməkdaşlığı, enerji əməkdaşlığı, siyasi və iqtisadi islahatlar yolu ilə demokratiyanın inkişaf etdirilməsi».


İyulun 9-10-da Vaşinqtonda Azərbaycanla ABŞ arasında hərbi-siyasi məsləhətləşmələr aparılıb. ABŞ nümayəndə heyətinə Dövlət Departamenti katibinin siyasi-hərbi məsələlər bürosu üzrə yardımçısının səlahiyyətlərini icra edən Stifen D.Mall və Dövlət katibinin Avropa və Avrasiya məsələləri üzrə yardımçısının müavini Metyu Brayza, Azərbaycan nümayəndə heyətinə Xarici İşlər nazirinin müavini Araz Əzimov başçılıq edib.


Növbəti görüş 2008-ci ilin iyulunda keçiriləcəkdir.


Günün bütün mövzuları

XS
SM
MD
LG