Keçid linkləri

logo-print
2016, 04 Dekabr, bazar, Bakı vaxtı 00:07

«Azərbaycanda qarpızı düz yemirlər»


Qarpızı günəş şüalarının birbaşa təsiri altına satılması da zəhərlənməyə gətirib çıxara bilər

Qarpızı günəş şüalarının birbaşa təsiri altına satılması da zəhərlənməyə gətirib çıxara bilər

«Çox vaxt Azərbaycanda qarpızdan zəhərlənmələrə o səbəb olur ki, insanlar qarpızı xörəkdən sonra yeyirlər». Bunu «Azadlıq» radiosunun «Xəbər-ətər» verilişinin qonağı olan Bakı Şəhər Təcili Yardım Xəstəxanasının həkimi Salman Əliyev deyib.


Həkim bildirir ki, əslində qarpızı xörəkdən əvvəl yemək lazımdı: «Çox vaxt yayda qarpızdan zəhərlənmə diaqnozu ilə bizim təcili yardım xəstəxanasına müraciətlər olur. Halbuki çox vaxt belə hallar qarpızdan yox, qarpızı düzgün yeməməkdən baş verir. Ümumiyyətlə, meyvə-tərəvəz xörəkdən 30-40 dəqiqə əvvəl yeyilməlidir. «Yağlı xörəkdən sonra qarpız yeyilirsə, o mədənin üst hissəsində yığılır. Yemək mədədən iki saata sovrulur, mədənin üst hissəsində qalan qarpız isə bir neçə dəqiqədən sonra qıcqırmağa başlayır. Bu da ürəkbulanma və qusma ilə nəticələnir».


Salman Əliyev deyir ki, qarpız isti xörəkdən 30-40 dəqiqə əvvəl yeyiləndə bir neçə dəqiqəyə sovrulub gedir və adama heç bir əziyyət vermir. Ya da ki, həkimin fikrincə, qarpız yeməyi xörəkdən iki saat sonraya saxlamaq lazımdı.


Bununla belə satıcıların çox vaxt qarpızı açıq yerdə - günəş şüalarının birbaşa təsiri altına satması da onun kimyəvi tərkibində dəyişikliklərə gətirib çıxarır. Bu da sonda alıcılarda zəhərlənmələrə səbəb ola bilir.


Günün bütün mövzuları

XS
SM
MD
LG