«Sərhədsiz Reportyorlar» 2005-ci il parlament seçkilərinin gedişində jurnalistlərə qarşı zorakılığa görə məsuliyyət daşıyan polislərin müdafiəsilə bağlı dövlət başçısı İlham Əliyevin iyulun 2-də dediyi fikirləri pisləyib.
İlham Əliyevin 2005-ci ilin parlament seçkiləri zamanı jurnalistlərə qarşı zorakılıqda günahkar olan polislərin cəzalandırılmasını şəxsən qadağan etməsilə bağlı söylədiyi fikirləri yolverilməz adlandırıb. «Bu fikirlərlə dövlət başçısı bütünlüklə cəzasızlığı dəstəkləyib»-deyə «Sərhədsiz Reportyorların» yaydığı açıqlamada deyilir.
«Mediaya münasibətdə polisi özünü nəzakətlə aparmağa məcbur etmək əvəzinə onları əvvəlki kimi hərəkət etməyə təhrik edir»- deyə sənddə vurğulanır. Məlumatı «Turan» yayıb.
2005-ci ilin payız mitinqlərinin gedişində polis 14 jurnalist döyüb və bunun nəticəsində onlardan İdrak Abbasov və Ramiz Nəcəfli xəstəxanaya düşüblər.