Reportyorların Azadlığı və Təhlükəsizliyi İnstitutu həbsdə olan jurnalistlərin ailələrinə yardım kampaniyasına başlayıb. Bu haqda «Azadlıq» radiosuna sözügedən institutun rəhbəri Emin Hüseynli məlumat verib. Onun sözlərinə görə, media mənsubları arasında keçirilən bu kampaniyada həbsdə olan jurnalistlərin hər birinə 1 manatdan (ümumilikdə 7 manat) toplanması nəzərdə tutulur.
Toplanmış vəsait jurnalistika günü ərəfəsində həbsdə olan jurnalistlərin ailələrinə çatdırılacaq.
Hüseynli deyir ki, kampaniyada məqsəd həbs edilmiş jurnalistlərin ağır iqtisadi durumda olan ailələrinə yardım etməkdir.
Hazırda müxtəlif ittihamlarla yeddi jurnalist həbs edilib.