Bu barədə «Azadlıq» radiosuna «Azərbaycan naminə» İctimai Forumun rəhbəri Eldar Namazov məlumat verib. Onun sözlərinə görə, iyunun 27-də o və bir neçə Azərbaycan insan hüquqları müdafiəçiləri AŞ PA prezidentiylə görüşüb. Görüşdə Azərbaycandakı ictimai-siyasi vəziyyət müzakirə edilib.
Cənab Namazov deyir ki, onlar Rene van der Lindenin diqqətini mətbuata təzyiqlərə, jurnalistlərin həbsinə, məhkəmələrin vəziyyətinə, siyasi məhbuslara, sabiq Səhiyyə naziri Əli İnsanova və digər məsələlərə yönəldiblər.
Eldar Namazov bildirir ki, iyunun 28-də AŞ PA-nın Monitorinq Komitəsinin iclasından sonra Assambleyanın Azərbaycan üzrə həmməruzəçilərinin bəyanatı gözlənir.
İyunun 25-dən Azərbaycanın bir qrup insan haqları müdafiəçisi Strasburqda görüşlər keçirir.