GUAM dövlət başçıları iyunun 19-da Bakı bəyannaməsini imzalayıblar.
Sənədi Azərbaycan prezidenti İlham Əliyev, Ukrayna prezidenti Viktor Yuşşenko, Gürcüstan prezidenti Mixail Saakaşvili və Moldovanın Baş naziri Vasili Tarlev imzalayıblar.
GUAM-ın ikinci sammitində təşkilata sədrlik Ukraynadan Azərbaycana keçib.
GUAM-ın sahələr üzrə inkişafı strategiyası da qəbul edilib.
Tərəflər həmçinin Demokratiya və iqtisadi inkişaf təşkilatı-GUAM-ın imtiyaz və immunitetləri barədə saziş, nüvə və radiasiya təhlükəsizliyi məsələlərində əməkdaşlıq və qarşılıqlı yardım üzrə GUAM ölkələri hökumətləri arasında memorandum, GUAM ölkələri hökumətləri arasında beynəlxalq multimodal yük daşımaları barədə saziş, həmçinin GUAM ölkələri arasında mədəniyyət sahəsində 2007-2010-cu illərə dair Protokol imzalayıblar.
