Cənub bölgəsində ilk musiqili fontan Lənkəranda quraşdırılıb.
İtaliya və çinli mütəxəssislərin quraşdırdığı fontan dünya standartlarına tam cavab verir. Fəvvarədə suyun hündürlüyü 20 metrdən artıqdır. Dövlət əhəmiyyətli filmlərin xronikası, sosial yönümlü reklamlar kompyuter versiyası ilə hərəkətə gətirilən kino-proyeksiya vasitəsi ilə nümayiş etdirilir.
Heydər Əliyev adına Lənkəran şəhər Mərkəzi Meydanında qurulan musiqili fəvvarədə Azərbaycan xalq musiqisinin ən gözəl inciləri təqdim olunur.
Klassik və simfonik musiqi həvəskarları da yaddan çıxarılmayıb. Bundan sonra şəhər sakinləri istirahət saatlarında dahi Üzeyir Hacıbəyovun, Baxın, Bethovenin, Şopen və digər tanınmış bəstəkarların musiqi əsərlərini video gürüntülərlə izləyə biləcəklər.
Mənbə: ANS TV