Konfrans Rusiyanın təşəbbüsü ilə çağırılıb.
May ayında Moskva müqaviləyə moratorium qoyub, NATO-ya üzv ölkələrin hamısının sazişin düzəlişlər olunan variantını imzalamasını tələb edib.
Şimali Atlantika İttifaqı isə Rusiyanın Gürcüstan və Moldovadan qoşunlarını çıxarmayınca, sazişə düzəlişləri təsdiqləməkdən imtina edir.
İlk dəfə 1990-cı ildə imzalanan Avropada Adi Silahlar haqqında Müqaviləyə 1999-cu ildə düzəlişlər edilib. Amma yeni variantı yalnız Rusiya, Belarus, Qazaxıstan və Ukrayna imzalayıb.