Britaniyanın «ComScore» şirkəti Avropanın 16 ölkəsində interneti tədqiq edib. 13 ölkədə ən populyar «Google» şirkətinin internet-servisləridir. Norveç və İsveçdə birinci yeri «Microsoft»un məhsulları tutublar.
«ComScore»nin məlumatına əsasən, yalnız Rusiyada qeyri-Amerika şirkəti inamla liderlik edir: bu, yerli «Yandex» internet-şirkətinin məhsullarıdır. Rusiyada «Google»nin məhsulları heç ilk üçlüyə də düşməyib. Burada birinci yerdə «Yandex», sonra «Mail.ru» və «Rambler» gəlir.
Rusiyadan savayı dünyada belə vəziyyət yalnız Çindədir – orada şəksiz lider «Baidu» axtarış sistemidir.
Rusiya şirkətlərinin yerli bazarda liderliyinin başlıca səbəbi kimi təhlilçilər proqramların yüksək keyfiyyətini qeyd edirlər. Həm də Amerika şirkətlərinin Rusiya internetinə olduqca gec diqqət yetirdiklərini deyirlər.