Keçid linkləri

logo-print
2016, 04 Dekabr, bazar, Bakı vaxtı 12:21

ATƏT sədri Bakıda 2008-ci il prezident seçkilərini müzakirə edib


Cənab Moratinos bildirib ki, ATƏT azad sözə dəstəklə bağlı yeni layihələr həyata keçirəcək

Cənab Moratinos bildirib ki, ATƏT azad sözə dəstəklə bağlı yeni layihələr həyata keçirəcək

«ATƏT Azərbaycanda azad sözlə bağlı vəziyyətin normallaşması üçün əlindən gələn hər şeyi edəcək. Mən bunu prezident İlham Əliyevlə də, müxalifət partiyalarının liderləri ilə də görüşümdə demişəm». ATƏT-in fəaliyyətdə olan sədri, İspaniyanın xarici işlər naziri Migel Anhel Moratinos jurnalistlərə açıqlamasında belə deyib.


Onun fikrincə, demokratik dövlət azad sözə, mətbuat plüralizmə söykənməlidir. O, əlavə edib ki, bu yöndə ATƏT-in bəzi layihələri də var.


«Bununla bağlı, ATƏT-in Bakı ofisindəki nümayəndəmiz bir neçə layihə hazırlamalıdır. Bu layihələr kütləvi informasiya vasitələrində yeni nəslin formalaşmasına, eləcə də Azərbaycanda mətbuatın vəziyyətinin yaxşılaşmasına xidmət edəcək».


Migel Anhel Moratinos Bakı görüşlərində 2008-ci il prezident seçkilərinin də başlıca müzakirə mövzusu olduğunu bildirib. «ATƏT əlindən gələni edəcək ki, bu seçkilərin azad və ədalətli keçirilməsinə maksimum zəmanət olsun»-, deyə cənab Moratinos bildirib.


Bu, Migel Anhel Moratinosun Bakıya ATƏT sədri kimi ilk səfəri idi.


Günün bütün mövzuları

XS
SM
MD
LG