Tələbə Qəbulu üzrə Dövlət Komissiyasından (TQDK) verilən məlumata əsasən, sənədlərin qəbulu İnternet vasitəsilə iki mərhələdə aparılır.
Birinci mərhələdə bakalavr TQDK-nın qiyməti iki manat olan «ödəmə kartını» əldə edir. O, kartın seriya nömrəsi (bakalavrın iş nömrəsi) və PİN kodundan istifadə etməklə TQDK-nın müvafiq səhifəsinə daxil olub, oradakı ərzə formasını doldurur.
İkinci mərhələdə isə bakalavrlar ərizələrini rəsmiləşdirmək üçün TQDK-nın ali məktəblərdə yaratdığı Sənəd Qəbulu Komissiyalarına müraciət etməlidirlər. Bu proses iyunun 6-dan 15-dək hər gün saat 9-18 arası davam edəcək.
Ətraflı məlumatı «Magistr» jurnalının ikinci sayından və tqdk.gov.az İnternet səhifəsindən almaq olar.