Keçid linkləri

2016, 07 Dekabr, çərşənbə, Bakı vaxtı 00:17

«Eynulla Fətullayevin işində terrorçuluqla hədələmə faktları mövcuddur»


Baş prokuror deyir ki, istintaqın gedişi barədə MTN tərəfindən bu yaxınlarda ətraflı açıqlama veriləcək

Baş prokuror deyir ki, istintaqın gedişi barədə MTN tərəfindən bu yaxınlarda ətraflı açıqlama veriləcək

«Eynulla Fətullayevin təsis etdiyi «Realnı Azerbaydjan» saytında həqiqətən də terrorçuluqla hədələmə faktları mövcuddur. Saytda guya İran İslam Respublikası tərəfindən bombalanacaq Azərbaycanın müəyyən dövlət obyektləri və konkret ünvanlar göstərilib. Həmin məlumatlar terrorçuluqla hədələmə məlumatlarıdır». Respublikanın Baş prokuroru Zakir Qaralov Eynulla Fətullayev haqda Milli Təhlükəsizlik Nazirliyinin cinayət işi başlamasına aydınlıq gətirərkən belə deyib.


«Bununla bağlı Milli Təhlükəsizlik Nazirliyi tərəfindən 214-cü maddənin 1-ci hissəsi ilə cinayət işi qaldırılıb və istintaq aparılır».


Baş prokuror deyir ki, istintaqın gedişi barədə MTN tərəfindən bu yaxınlarda ətraflı açıqlama veriləcək.


MTN-in İstintaq Baş İdarəsi tərəfindən Eynulla Fətullayevə qarşı Cinayət Məcəlləsinin 214-cü maddəsi ilə terrorçuluqla hədələmə faktı üzrə cinayət işi başlanıb. Fətullayev Bayıldan MTN-in istintaq təcridxanasına köçürülüb.


O, aprelin 20-də böhtan atmada təqsirli bilinərək iki il altı ay azadlıqdan məhrum edilib.


Günün bütün mövzuları

XS
SM
MD
LG