«Azadlıq» qəzetinin Xəqani küçəsi 33 ünvanda yerləşən keçmiş ofisinin geri qaytarılmasıyla bağlı iddiasını Ali Məhkəmə rədd edib. Mayın 25-də keçirilən iclasda hakim İman Nağıyev ilkin məhkəmə instansiyasının qərarını qüvvədə saxlayıb. Qəzetin texniki direktoru Azər Əhmədov bundan sonra Avropa İnsan Haqları Məhkəməsinə müraciət etməyə hazırlaşdıqlarını bildirib.
Məhkəmə 2006-cı ilin noyabrında Dövlət Əmlakının İdarəedilməsi üzrə Dövlət Komitəsinin «Azadlıq», «Bizim Yol» qəzetlərinin, «Turan» İnformasiya Agentliyinin, «Yeni Nəsil» Jurnalistlər Birliyinin və Azərbaycan Xalq Cəbhəsi Partiyasının Xaqani küçəsi 33 ünvanında yerləşən binadan çıxarılması barədə iddiasının təmin etmişdi.
Bu addım yerli və beynəlxalq hüquq müdafiə təşkilatlarının etirazlarına səbəb olmuşdu.
