Amerika senatı Əfqanıstan və İraqdakı müharibələrə 100 milyard dollar ayırıb və əsgərlərin çıxarılması üçün vaxt qoymayıb. Nümayəndələr Palatası da sənədi təsdiqləyib, gözlənir ki, Corc Buş qanunu dərhal imzalasın.
Bu qanun layihəsi Buşla Konqresi üz-üzə qoymuşdu. Məsələyə münasibətdə Konqresdə üstünlük təşkil edən demokratlar arasında da fikir ayrılığı yaranıb. Nümayəndələr Palatasının spikeri Nensi Pelosi qanunun əleyhinə, senatda çoxluğun lideri Harri Reyd isə lehinə səs verib.