Pakistan prezidenti Pərviz Müşərrəf deyib ki, müxalifət liderləri – Benazir Bhutto və Navaz Şərifi bu ilin sonuna təyin olunan prezident seçkisinə qədər ölkəyə buraxmayacaq.
Müxtəlif vaxtlarda Pakistanın Baş naziri olmuş Bhutto və Şərif yaxınlarda vətənə qayıtmaq niyyətlərini bildiriblər.
Müşərrəf xatırladıb ki, sürgündə olan hər iki siyasətçiyə qarşı Pakistanda hakimiyyətdən sui-istifadəylə bağlı müxtəlif ittihamlar irəli sürülüb.
Pərviz Müşərrəf hakimiyyətə 1999-cu ildə hərbi çevriliş nəticəsində gəlib.
