Bunu Azərbaycanda rəsmi səfərdə olan Macarıstanın Xarici İşlər naziri xanım Kinqa Gönts mayın 18-də Elmar Məmmədyarovla birgə keçirdiyi brifinqdə deyib.
«Hələ məhkəmə prosesi tam bitmədiyi üçün bu haqda danışmaq olmaz. Ancaq biz bu məsələni Elmar Məmmədyarovla müzakirə etmişik».
Kinqa Göntsün sözlərinə görə iyunda Azərbaycanın Ədliyyə naziri Macarıstana səfər edəcək. Həmin səfər zamanı ekstradisiya məsələsi ciddi müzakirə olunacaq.
Elmar Məmmədyarov isə Azərbaycanın bu məsələdə maraqlı olduğunu deyib.
Azərbaycan Silahlı Qüvvələrinin zabiti Ramil Səfərov Budapeşt şəhər Məhkəməsinin 2006-cı il 13 aprel tarixli hökmü ilə ömürlük azadlıqdan məhrum edilib.