Keçid linkləri

2016, 05 Dekabr, Bazar ertəsi, Bakı vaxtı 06:57

«Qazax neftinin dünya bazarına Azərbaycandan ötürülməsi yönündə müzakirələr hələ qapanmayıb»


Avropanın Azərbaycan neftinə ehtiyacı varsa, Bakı ona yardım etməyə hazırdır

Avropanın Azərbaycan neftinə ehtiyacı varsa, Bakı ona yardım etməyə hazırdır

«Azərbaycan Qazaxıstanın hasil etdiyi nefti dünya bazarına Rusiya kəməri ilə ötürməsini qısqanclıqla qarşılamır».



Energetika və Sənaye naziri Natiq Əliyev «Azadlıq» radiosuna belə deyib. Amma nazir əlavə edir ki, Qazaxıstan neftinin dünya bazarına Azərbaycan vasitəsilə ötürülməsi yönündə müzakirələr hələ qapanmayıb:


«Astana sadəcə, dövlətin payına düşən nefti Rusiya kəməri ilə nəql etmək istəyir. Qazaxıstanda neft hasil edən şirkətlərsə neftin Rusiya ilə ötürülməsi baha olduğundan, əlverişli variant kimi Azərbaycanın üzərində dayana bilərlər».


O ki qaldı, mayın 11-də Odessa-Brodı-Qdansk kəmərinin çəkilişi haqda kommünikenin imzalanmasına, Natiq Əliyev bu sazişi siyasi iradənin ortaya qoyulması kimi qiymətləndirir. Nazir bildirir ki, Avropanın Azərbaycanın neft ehtiyatına ehtiyacı varsa, Bakı ona yardım etməyə hazırdır. Artıq siyasi qərar verilib və bu layihəni iqtisadi baxımdan əlverişli olması üzərində iş aparılacaq:


«Bu məqsədlə tərəflər yenidən sentyabrda Vilnüsdə enerji sammitində bir araya gələcəklər və yeni təklifləri müzakirə edəcəklər».


Günün bütün mövzuları

XS
SM
MD
LG