Dövlət Gömürük Komitəsi narkotik qaçaqmalçılığı ilə mübarizəni gücləndirmək üçün ölkənin cənub bölgəsində müxtəlif layihələr həyata keçirilir. Bu barədə jurnalistlərə Gömrük Komitəsinin sədri Aydın Əliyev məlumat verib. Komitə sədri deyir ki, cənub bölgəsində Daxili İşlər Nazirliyi ilə birgə əməliyyatlar intensivləşib.
Cənab Əliyev bu vaxta kimi Gömrük Məcəlləsinin qəbulunun yubanması məsələsinə də aydınlıq gətirib. «Məcəllə 2007-ci ilin sonuna kimi qəbul oluna bilər. Hazırda sənədin üzərində iş gedir. Yubanmanın səbəbi məcəllənin beynəlxalq standartlara uyğunlaşdırılmasıdır».
Komitə sədri onu da bildirib ki, işindəki nöqsanlara görə, bu vaxta kimi 1700 əməkdaş gömrük orqanlarından azad olunub. 2000 nəfər haqqında isə cinayət işi qaldırılıb.
