İranın Xarici İşlər naziri musiqiçinin açıq geyiminə görə rəsmi naharı tərk edib. Amerika rəsmiləri deyir ki, Mənuçöhr Möttəki Misirdə İraqdakı vəziyyətə dair konfrans çərçivəsində verilən naharda ABŞ dövlət katibi Kondoliza Raysla üzbəüz oturmalı idi. İran diplomatı skripkaçının qırmızı donu çox açıq geyindiyini bildirərək, ziyafəti tərk edib.
Dövlət Departamentinin sözçüsü Şon Makkormak deyib ki, o, əmin deyil Möttəki hansı qadından «daha çox qorxub».
Mayın 4-də Şarm əş-Şeyxdə İraqa dair beynəlxalq konfrans davam edir. Beynəlxalq konfransda İraqda zorakılığın qarşısını almaq yolları müzakirə olunur.
