Hazırda mağazalarda satılan 50-100 qramlıq etil spirti standarta cavab vermir. Dövlət Standartlaşma, Metrologiya və Patent üzrə Dövlət Agentliyinin rəsmisi Qalib Ağayev belə deyir. O, bildirir ki, kiçik həcmdə qablaşdırılmış etil spirtinin standartlaşdırılmasına ehtiyac var. Qalib Ağayev deyir ki, bu məsələ işçi qrupun iclasında müzakirə olunacaq.
Dövlət Agentliyinin rəsmisi onu da bildirir ki, Azərbaycanda indiyə kimi 240-dan çox milli standart işlənib hazırlanıb. 2007-ci ildə isə maşınqayırma, tikinti, neft-kimya və yeyinti sənayesi sahələrində yeni milli standartlarını işlənməsi nəzərdə tutulub.
Mayın 3-də Bakıda MDB ölkələrinin standartlaşma, metrologiya və sertifikatlaşma üzrə işçi qrupunun toplantısı keçirilir. Toplantıda 21 məsələ müzakirə olunur. Ekspertlər tərəfindən 2007-2009-cu illər üzrə beynəlxalq standartlar planı işlənib hazırlanacaq.
