Keçid linkləri

2016, 11 Dekabr, bazar, Bakı vaxtı 16:24

Şahzadə Harri İraqda ölməyə hazırdır


Şahzadə Harri Iraqda əsas hədəfdir

Şahzadə Harri Iraqda əsas hədəfdir

Britaniya ordusu Şahzadə Harrinin mühafizəsi üçün İraqa xüsusi təyinatlı bölmə göndərib. Bu barədə Britaniyanın «Observer» qəzeti yazır. Harrinin alayı isə İraqa may ayında yollanmalıdır.

Xüsusi təyinatlılar İraq üsyançı qruplaşmalarının hərəkətini izləyəcək, həmçinin «şahzadənin müdafiəsini gücləndirəcəklər».


Bundan əvvəl İraq yaraqlıları 22 yaşlı şahzadəni oğurlayıb öldürmək niyyətini bildiriblər. Yaraqlıların dediyinə görə, Bəsrə şəhərindəki Britaniya hərbi bazasında onların informatorları var və onlar Şahzadə Harrinin olduğu bütün yerlər barədə xəbər verəcəklər.


Müqtəda əs-Sədr hərəkatının hərbi lideri Əbu Muhtab deyib ki, Harrinin tutulması əsas vəzifələrdən biridir. «Britaniyalılar və amerikalılara nifrət edən istənilən adam bunu arzulayır. Harrini tutmaqla biz britaniyalıları diz çökdürə və bizimlə danışmağa vadar edə bilərik» - deyə Əbu Muhtab bildirib.


Şahzadə Harri isə arzusu yerinə yetirilmədiyi təqdirdə ordu sıralarından istefa edəcəyi ilə hədələyib, deyib ki, ən dəhşətlisinə hazırdır – hətta İraqda ölməkdən belə qorxmur.


Günün bütün mövzuları

XS
SM
MD
LG