Aprelin 18-də Klassik Xalq Cəbhəsi, Milli Demokrat və Azadlıq partiyası arasında bağlanan sazişə əsasən, Demokratiya Uğrunda İttifaq adlı yeni bir qurum təsis edilib.
Bu barədə «Azadlıq» radiosuna Klassik Xalq Cəbhəsi Partiyasının sədri Mirmahmud Mirəlioğlu məlumat verib.
Mirmahmud Mirəlioğlu deyir ki, ittifaq qarşısına milli demokratik qüvvələrin həmrəyliyini gücləndirmək, azad və ədalətli seçkilərə nail olmaq kimi məqsədlər qoyub. Bundan başqa onlar ölkədə və dünyada baş verən hadisələrə daha geniş tərkibdə reaksiya bildirmək niyyətindədirlər.