Keçid linkləri

2024, 29 Mart, Cümə, Bakı vaxtı 18:18

Bu ilin dörd ayında Azərbaycandan 125 əcnəbi deportasiya olunub


DİN-in idarə rəisi deyir ki, ötən il ölkədən çıxarılanların sayı 110 nəfərdən çox olub
DİN-in idarə rəisi deyir ki, ötən il ölkədən çıxarılanların sayı 110 nəfərdən çox olub

Yaşayış qaydalarını pozduğuna görə, 2007-ci ilin dörd ayı ərzində Azərbaycandan 125 nəfər əcnəbi deportasiya olunub. Bu barədə «Azadlıq» radiosuna Daxili İşlər Nazirliyinin (DİN) Miqrasiya İdarəsinin rəisi Şövqi Hadıyev məlumat verib. Onun sözlərinə görə, ötən il inzibati qaydada ölkədən çıxarılanların sayı isə 110 nəfərdən çox olub. Aprelin 13-də isə bir qədər əvvəl prezidentin fərmanıyla əfv edilən Vyetnam vətəndaşı öz ölkəsinə yola salınıb.


Cənab Hadıyev deyir ki, 2006 və 2007-ci illərdə İnzibati Xətalar Məcəlləsinin 300-cü (dini təbliğat aparma), 330-cu (viza rejimini pozma), 307 (tüfeyli həyat tərzi keçirmə) maddələrini pozduğuna görə, 43 ölkədən olan qanunsuz miqrant Azərbaycandan çıxarılıb.


Deportasiya olunan əcnəbilərin sayına görə, İran, Pakistan və Hindistan vətəndaşları çoxluq təşkil edir. Şövqi Hadıyev deyir ki, qanunsuz miqrantların Azərbaycandan çıxarılması DİN-in maliyyə vəsaiti hesabına həll edilir.


Cənab Hadıyevin sözlərinə görə, hər qanunsuz miqrantın öz ölkəsinə yola salınması orta hesabla 500 manatdan 1600 manata başa gəlir. Elə idarənin Nigeriya və Vyetnama yola saldıqları qanunsuz miqrantların hər birinə alınan təyyarə biletləri 1000 manatdan bahadır. Üstəlik onlar Azərbaycanda saxlandıqları müddətdə də pulsuz yer və yeməklə təmin edilirlər.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG