Qazaxstanda necədir? Qazaxıstanlı ekspert, elmlər doktoru Nurlan Nurseyit deyir ki, Qazaxıstanda neft pulları qorunub saxlanır, Azərbaycanda isə xərclənir.
Norveçdən fərqli olaraq, Qazaxstanda neft pulları artım üçün aksiyalarda, istiqrazlarda yerləşdirilmir, investisiya olunmur.
Norveç neft pulunun 40 faizini istiqrazlara, 60 faizini səhmlərə yönəldib. Coğrafi baxımdan 50 faiz Avropaya, 30 faiz Şimali və Cənubi Amerikalara, 20 faizi Asiyaya qoyulub. Qazaxstan heç bir riskə getmədən neft pullarını qoruyur.
Ancaq demək olmaz ki, Qazaxstanda neft gəliri heç xərclənmir. Bu ölkədə son yarım ildir ki, neft pulları büdcə xərclərinə yönəldilir, ancaq Neft Fondunda yığılan pula əl dəymirlər. Yalnız bu pulun gətirdiyi faiz xərclənir. Yəni cüzi məbləğ. Hazırda Qazaxıstanda müzakirələr gedir ki, bu pulların bir qismi infrastruktura xərclənsin. Azərbaycandakı kimi…