Türkiyə universitetlərində magistraturada oxumaq istəyənlər üçün tələbə qəbulu elan edilib. Ali məktəblərin bakalavr pilləsini bitirmiş və ya hazırda bakalavr pilləsinin sonuncu kursunda oxuyan azərbaycanlı tələbələr sənəd verə bilərlər. Ancaq bakalavr pilləsi üzrə orta bal dörddən aşağı olmamalıdır. Sənədləri TQDK-nın Sənəd Qəbulu Komissiyası aprelin 25-dək qəbul edir. Qəbul imtahanı mayın 20-də Bakıda olacaq.