Keçid linkləri

2016, 11 Dekabr, bazar, Bakı vaxtı 17:52

Ukraynada siyasi vəziyyət gərginləşib


Yuşenkonun parlamenti buraxmaq qərarı Ukraynada siyasi vəziyyəti gərginləşdirib

Yuşenkonun parlamenti buraxmaq qərarı Ukraynada siyasi vəziyyəti gərginləşdirib

Prezident Viktor Yuşenko parlamenti buraxmağa, yeni seçki keçirməyə qərar verəndən sonra Ukraynada siyasi vəziyyət gərginləşib. Parlament bu qərara qarşı çıxıb, hökumətə mayın 27-nə təyin edilmiş erkən parlament seçkisini maliyyələşdirməyi qadağan edib. Parlamentdə prezidentin rəqibi-baş nazir Viktor Yanukoviçə sadiq deputatlar üstünlük təşkil edir. Parlament bu sərəncamın qanuni olub-olmamasını araşdırmaq üçün Ukraynanın Konstitusiya Məhkəməsinə müraciət edib.


Martın 2-də gecə saatlarında kabinetin iclasını keçirən baş nazir Yanukoviç prezidenti sərəncamını geri götürməyə çağırıb. Onun fikrincə, əks təqdirdə ölkədə gərginlik artar, Ukraynanın gələcəyi qeyri-müəyyən olar.


Həmin görüşdə müdafiə naziri, Yuşenkonun müttəfiqi Anatoli Hritsenko deyib ki, silahlı qüvvələr ancaq prezidentin əmrlərinə tabe olacaqlar: «Hazırkı qanunvericiliyə görə, ordu ancaq ali baş komandanın əmrlərini yerinə yetirəcək».


Yuşenko deyib ki, parlamenti buraxmaq onun səlahiyyətidir, çünki, deputatlar konstitusiyanı pozublar.


Yuşenko Yanukoviçin Rusiyayönlü koalisiyasını ittiham edir. Prezidentin qənaətincə, baş nazir qərbyönlü deputatları qanunsuz olaraq öz tərəfinə çəkməklə hakimiyyəti mənimsəyir, koalisiyanın parlamentdə sayını daha da artırır.


Günün bütün mövzuları

XS
SM
MD
LG