Keçid linkləri

logo-print
2016, 05 Dekabr, Bazar ertəsi, Bakı vaxtı 12:27

Sumqayıtda naməlum şəxslər polisi atəşə tutub


Hazırda Sumqayıtda və Bakıda polis gücləndirilmiş iş rejimində işləyir

Hazırda Sumqayıtda və Bakıda polis gücləndirilmiş iş rejimində işləyir

Martın 28-i gecə saat 22.40-da Sumqayıtın 41-ci məhəlləsində iki naməlum şəxs polis əməkdaşı Qalib Tanrıverdiyevin idarə etdiyi «Tofaş» markalı maşını atəşə tutublar. Bu haqda Daxili İşlər Nazirliyinin mətbuat xidmətinin əməkdaşı Ehsan Zahidov «Azadlıq» radiosuna məlumat verib.


Onun sözlərinə görə, polis əməkdaşı yaralıdır. Faktla bağlı Cinayət Məcəlləsinin 29-cu maddəsi üzrə cinayət işi qaldırılıb. Həmin iki şəxs sui-qəsddə ittiham olunur. Ehsan Zahidovun sözlərinə görə, hələlik cinayətkarların kimliyi müəyyənləşdirilməyib. Onların saxlanması və zərərsizləşdirilməsi məqsədilə əməliyyat axtarışları aparılır.


Hüquq-mühafizə orqanlarının ilkin versiyası da var: «Görünür, cinayət törətdikləri ərəfədə polis maşının yaxınlaşdığını görüb ələ keçməmək üçün atəş açıb hadisə yerindən qaçıblar».


İlkin məlumatlarda həmin iki şəxsin vəhhabi təriqətinə aid olması haqda fikirlər səslənsə də Daxili İşlər Nazirliyindən məlumatı təsdiqləmədilər.


Günün bütün mövzuları

XS
SM
MD
LG