Gəncə Avtomobil Zavodunda (GAZ) ilk Belarus traktoru artıq hazırdı. Bu barədə «Azadlıq» radiosuna məlumat zavodun Mətbuat Xidmətinin rəhbəri Məqsəd Rəhimov məlumat verib. Onun sözlərinə görə, müəssisədə ilkin mərhələdə 5 modeldə 60 traktorun yığılması nəzərdə tutulsa da, artıq 382 traktor üçün müqavilə bağlanıb.
Hələlik traktorların Azərbaycan bazarında satılacağını deyən Rəhmov bildirir ki, xarici bazarla bağlı da marketinq araşdırmaları aparılır.
GAZ Belarus Traktor və Minsk Avtomobil Zavodlarıyla ötən il əməkdaşlıqla bağlı müqavilə imzalayıb. Müəssisə həmçinin kiçik və orta tonnajlı yük avtomobilləri istehsal edən Çin şirkətlərindən biriylə də əməkdaşlıq edir.