Keçid linkləri

logo-print
2016, 04 Dekabr, bazar, Bakı vaxtı 12:15

Hüseyn Abdullayev 2 ay müddətinə həbs olunub


Nəsimi Rayon Məhkəməsi baş prokuror Zakir Qaralovun təqdimatını təmin edib

Nəsimi Rayon Məhkəməsi baş prokuror Zakir Qaralovun təqdimatını təmin edib

Deputat Hüseyn Abdullayev barəsində 2 aylıq həbs-qətimkan tədbiri seçilib. O, hazırda Bayıl təcridxanasında saxlanılır. Bu barədə «Azadlıq» radiosuna deputatın vəkili Ramiz Zeynalov deyib: «Nəsimi Rayon Məhkəməsi Baş prokuror Zakir Qaralovun təqdimatını təmin edib və Hüseyn Abdullayev 2 ay müddətinə həbs olunub».


Ramiz Zeynalov deyib ki, martın 27-nə kimi bayram günləri olduğundan, məhkəmə qərarının dəyişdirilməsi ilə bağlı apellyasiya şikayəti yalnız bayramdan sonra veriləcək.


Dünən Fəzail Ağamalı ilə Hüseyn Abdullayevin istintaq idarəsində üzləşdirilməsi zamanı Ağamalı Abdullayevə arxadan zərbə vurmasını inkar edib.


Cinayət işi deputat Fəzail Ağamalının martın 16-da Baş Prokurorluğa ərizə ilə müraciətindən sonra, döymə və xuliqanlıq maddələri üzrə açılıb.


Hüseyn Abdullayev martın 16-da, hökumətin parlamentə hesabatı zamanı həmkarı Ana Vətən Partiyasının sədri Fəzail Ağamalı ilə əlbəyaxa olub. Martın 19-da isə parlament Hüseyn Abdullayevin toxunulmazlıq hüququnu ləğv edilib.


Günün bütün mövzuları

XS
SM
MD
LG