Əfv siyahısı hazırdır, prezidentə təqdim olunub. Bunu Əfv Komissiyasının üzvü Zəlimxan Yaqub «Azadlıq» radiosuna deyib.
Martın 17-də Milli Məclisdə Siyasi Məhbuslar üzrə İşçi Qrupun növbəti toplantısı keçirilib. Görüşdə Avropa Şurasındakı nümayəndə heyətinin üzvləri, hüquq müdafiəçiləri iştirak edib.
Hüquq müdafiəçisi Səidə Qocamanlı deyir ki, onlar əsasən xəstə məhbusların, jurnalistlərin əfv olunmasını istəyiblər.
Onların siyahısında 53 məhbus var, onlardan beşi xəstədir.
İşçi qrup sonuncu dəfə ötən dekabrda toplaşıb.
Bundan əvvəl Azərbaycanda sonuncu əfv fərmanı ötən il oktyabrın 21-də verilib.