Qaz sayğaclarına müdaxilələri «Azəriqaz» nümayəndələrilə polis birgə araşdırır. Bunu Daxili İşlər naziri Ramil Usubov martın 12-də Daxili Qoşunların yaradılmasının 15 illiyinə həsr olunmuş tədbirdə jurnalistlərin suallarına cavab verərkən deyib. Nazir «Azəriqaz»dan onlara tez-tez müraciətlər edildiyini və dərhal həmin müraciətlərə cavab verildiyini deyib. Onun sözlərinə görə, təqsirkar şəxslər barədə materiallar toplanır və istintaqa verilir.