«Dağlıq Qarabağla bağlı Cenevrədə aparılacaq danışıqlarda müsbət dəyişiklik olmalıdır».
Bunu Ermənistanın Xarici İşlər naziri Vardan Oskanyan martın 9-da Yerevanda keçirdiyi mətbuat konfransında deyib.
Azərbaycan və Ermənistanın xarici işlər nazirləri Cenevrədə martın 13-14-də görüşməlidirlər.
Vardan Oskanyan deyib ki, ATƏT-in Minsk Qrupu Cenevrə danışıqlarında Azərbaycan və Ermənistan prezidentlərinin görüşünə zəmin yaradılmasını istəyir:
«Onlar mayın 12-də Ermənistanda keçiriləcək parlament seçkilərindən sonra mümkün qədər tez prezidentlərin görüşməsini istəyirlər. Buna görə də onlar istəyir ki, bundan öncə nazirlərin görüşündə bir irəliləyiş olsun».