Keçid linkləri

2016, 10 Dekabr, şənbə, Bakı vaxtı 13:04

Prezidentlərin görüşməsində problem yaranıb


Bernar Fasye martın 12-də Yerevana gedəcək

Bernar Fasye martın 12-də Yerevana gedəcək

«Prezidentlərin görüşü xarici işlər nazirlərinin Cenevrə görüşündən sonra məlum olacaq»-Bakıya səfərinin sonunda keçirdiyi mətbuat konfransında ATƏT-in Minsk qrupunun fransalı həmsədri Bernar Fasye belə deyib.


Diplomat bildirib ki, 2005-ci il parlament seçkiləri ərəfəsində olduğu kimi indi də prezidentlərin görüşməsində müəyyən problemlər yaranıb: «Ötən il Minsk görüşündən sonra tərəflər arasında gərginlik yaranıb. Buna görə də, qərara aldıq ki, bölgəyə səfər edib xarici işlər nazirlərinin görüşünü təşkil edək».


Dağlıq Qarabağ münaqişəsi ilə Kosovo arasında oxşarlıq aparmağa gəldikdə isə cənab Fasye dedi ki, bunlar ayrı-ayrı münaqişələr olduğundan Kosovo variantının müzakirə olunmasını düşünmürük.


Azərbaycan və Ermənistan xarici siyasət idarələrinin başçılarının martın 13-ü və 14-ü Cenevrədə görüşü gözlənilir. Bernar Fasye martın 12-də Yerevana gedəcək. Həmsədrlər bu görüşlərin nəticələrini Cenevrədə müzakirə edəcəklər.


Günün bütün mövzuları

XS
SM
MD
LG