Kabardin-Balkar Respublikasının paytaxtı Nalçikdə Balkar xalqının deportasiyası qurbanlarının xatirəsinə həsr olunmuş aksiya keçirilib.
Siyasi repressiyalar qurbanlarına memorial abidəsi qarşısında keçirilən matəm mitinqində yerli ictimai təşkilatların nümayəndələri, ruhanilər və prezident Arsen Kanokov da daxil olmaqla respublika rəhbərliyi iştirak edib.
1944-cü ildə qadınlar və uşaqlar daxil olmaqla 35 mindən çox balkar zorla Orta Asiya və Qazaxıstana sürgün edilib. Vətənə qayıtmaq hüququnu balkarlar yalnız 13 il sonra qazanıblar.