Keçid linkləri

logo-print
2016, 03 Dekabr, şənbə, Bakı vaxtı 11:12

Əli İnsanov: «Tükürpədici faktlar açıqlayacağam»


Əli İnsanov deyir ki, bir vaxtlar TQDK hətta 12 bal toplamış abituriyenti Tibb Universitetinə qəbul etdirib

Əli İnsanov deyir ki, bir vaxtlar TQDK hətta 12 bal toplamış abituriyenti Tibb Universitetinə qəbul etdirib

Martın 5-də keçirilən məhkəmə iclasında Əli İnsanov bildirdi ki, Tələbə Qəbulu üzrə Dövlət Komissiyasının (TQDK) sədri Məleykə Abbaszadə və Prezidentin İcra Aparatının Humanitar Siyasət şöbəsinin rəhbəri Fatma Abdullazadə məhkəməyə şahid qismində dəvət olunmalıdırlar. Sabiq nazir iddia edir ki, həmin adamlar tibb texnikumlarına əlavə qəbulla bağlı Milli Təhlükəsizlik Nazirliyinin sorğusuna düzgün məlumat verməyiblər. Əli İnsanov tibb texnikumlarına əlavə tələbə qəbulu həyata keçirməkdə də ittiham olunur.


Sabiq nazir bunun həqiqətə uyğun olmadığı deyir. İnsanov bildirdi ki, texnikumların bağlanmaması üçün əlavə tələbə qəbuluna ehtiyac var idi. Bununla bağlı o, TQDK-ya və Prezident Aparatına müraciət edir və müsbət cavab alır.


Əli İnsanov deyir ki, bir vaxtlar TQDK hətta 12 bal toplamış abituriyenti Tibb Universitetinə qəbul etdirib: «Əgər həmin adamlar məhkəməyə gəlsələr mən tükürpədici faktlar açıqlayacağam, bu prokurorluq üçün də maraqlı məsələdir».


Əli İnsanov dövlət çevrilişinə cəhd ittihamıyla 2005-ci ilin oktyabrında həbs edilib. Amma sonradan bu ittiham başqa icraatda birləşdirilərək, cinayət işindən ayrılıb və ona bir qrup səhiyyə işçisilə əlbir olaraq dövlət əmlakını mənimsəmə, rüşvət alma və s. ittihamlar irəli sürülüb. 2007-ci il fevralın 15-dən Ağır Cinayətlərə Dair İşlər üzrə Məhkəmədə sabiq Səhiyyə naziri və daha 10 nəfərin məhkəməsi başlayıb. Əli İnsanov özünü siyasi məhbus hesab edir.


Günün bütün mövzuları

XS
SM
MD
LG