Bosniyanın paytaxtı Sarayevoda beş mindən çox adam BMT Beynəlxalq Məhkəməsinin 90-cı illərdə Bosniya müharibəsi vaxtı soyqırımında Serbiyanı təqsirkar kimi tanımasından imtina etməsinə etirazlarını bildiriblər.
Haaqa məhkəməsi 1995-ci ildə Srebrenitsada səkkiz mindən çox müsəlmanın qətlini soyqırımı kimi tanıyıb, etiraf edib ki, Serbiya kütləvi qətliamın qarşısını ala bilərdi. Amma məhkəmə qərara alıb ki, Bosniya serblərinin hərəkətlərinə görə Serbiya birbaşa məsuliyyət daşımır.