«Interfax» Agentliyinin məlumatına əsasən, İran atom elektrik stansiyalarının inşasına bu il 1,3 milyard dollar ayıracaq. Ölkənin büdcə layihəsini təhlil edən parlament komissiyası artıq müvafiq təklifə razılıq verib. Ayrılan vəsaitin təxminən 10 faizi mütəxəssislərin təlimi və dünya universitetlərində İran tələbələrinin nüvə texnologiyası ilə bağlı fənləri öyrənmələri üçün nəzərdə tutulub.