Özünü Qərbi Azərbaycana Qayıdış Birliyi (QAQB) adlandıran qurum və Əli İnsanovun Hüquqlarını Müdafiə Komitəsi sabiq Səhiyyə naziri barədə həbs-qətimkan tədbirinin ləğv edilməsi üçün imzatoplama kampaniyasına başlayır. QAQB-in sədri Rizvan Talıbov deyir ki, onlar bu məqsədlə kütləvi aksiyalar da keçirəcəklər.
Əli İnsanov 2005-ci ilin oktyabrında dövlət çevrilişinə cəhd və kütləvi ixtişaşda təqsirli bilinərək həbs edilib. Bu il fevralın 15-də isə Ağır Cinayətlərə Dair İşlər üzrə Məhkəmədə sabiq nazirin digər təqsirləndirilən on nəfərlə birlikdə məhkəməsi başlayıb.