Keçid linkləri

logo-print
2016, 03 Dekabr, şənbə, Bakı vaxtı 19:51

2007-ci ildə neft yataqlarının istismarından Azərbaycanın mənfəəti artacaq


«BP-Azərbaycan» şirkətinin prezidenti Bill Şreyder, 13 fevral 2007

«BP-Azərbaycan» şirkətinin prezidenti Bill Şreyder, 13 fevral 2007

Azərbaycan Beynəlxalq Əməliyyat Şirkəti (ABƏŞ) 2007-ci ildə Azəri-Çıraq-Günəşli yatağından sutkada 708 min barel neft hasil etməyi planlaşdırır. «Şahdəniz» qaz-kondensat yatağından da hasilat davam etdiriləcək. Bu barədə fevralın 13-də «BP-Azərbaycan» şirkətinin ötən ilin nəticələrinə həsr olunmuş mətbuat konfransında məlumat verilib.


Şirkətin prezidenti Bill Şreyder deyib ki, Xəzərin karbohidrogen yataqlarının istismarından Azərbaycanın mənfəəti 2006-cı ildə 3,2 milyard dollar olmuşdur, 2007-ci ildə isə bu göstərici 3,8 milyard dollara çatdırılacaq.


«BP-Azərbaycan» şirkətinin kommersiya məsələləri vitse-prezidenti Fil Houm da bu il Azərbaycanın mənfəətinin artacağını deyib: «Əgər dünya bazarında neftin qiyməti enməzsə, onda 2007-ci ildə Azərbaycana çatacaq nağd pul ümumi mənfəətin 80%-dən çoxunun təşkil edəcək». Cənab Houm bildirib ki, tikinti işləri başa çatmaq üzrə olduğundan, bu sahədə çalışan işçilərin sayı ilin sonuna kimi azalacaq. Hazırda tikintiyə 7400 nəfər işçi cəlb olunub.


Günün bütün mövzuları

XS
SM
MD
LG