Şimali Koreya iqtisadi yardım müqabilində Yonbendəki nüvə atom reaktorunu dayandırmağa və bir sıra başqa nüvə obyektlərini möhürləməyə razılıq verib. Bu haqda iki Koreya dövləti, Çin, Rusiya, ABŞ və Yaponiyanın iştirakı ilə Pekində keçirilən çoxtərəfli danışıqların nəticəsi kimi qəbul olunan müştərək bəyanatda deyilir.
Razılaşmaya əsasən, Pxenyan 60 gün ərzində Yonbendəki nüvə reaktorunu dayandırmalı və obyektə Beynəlxalq Atom Enerjisi Agentliyi (MAQATE) müfəttişlərini buraxmalıdır. Kompensasiya kimi, Şimali Koreya 50 min ton mazut alacaq. Gələcəkdə razılaşmanın başqa bəndləri icra olunduqca, daha 950 min ton yanacaq və ya bu məbləğdə digər iqtisadi yardım veriləcək.