Keçid linkləri

2016, 07 Dekabr, çərşənbə, Bakı vaxtı 22:29

Ömrü uzada bilən preparatlar hazırlanır


Tədqiqatçılar sirtuinlərin fəaliyyətini stimullaşdıra bilən maddələr axtarırlar

Tədqiqatçılar sirtuinlərin fəaliyyətini stimullaşdıra bilən maddələr axtarırlar

ABŞ-ın Vistar İnstitutunun alimləri ömrü uzada bilən maddənin aktivliyini artırmağın yeni strategiyasını təklif edirlər. Son illər maya, soxulcan və meyvə milçəklərinin (drozofillər) ömrünü uzada bilən sirtuinlər adlı fermentlər fəsiləsi aşkarlanıb. Onlar həmçinin, maddə mübadiləsindəki yaş pozuntularını, o cümlədən, köklük və şəkər diabetini qaydaya sala bilərlər. Sirtuinlərin işləməyə başlaması üçün onları fəallaşdırmaq lazımdır, bunun üçün isə məsələn, qırmızı çaxırda rast gəlinən resveratrol lazımdır. Amma bu cür effekt almaq üçün çox içmək lazım olacaq.


Bir çox tədqiqatçılar sirtuinlərin fəaliyyətini stimullaşdıra bilən maddələr axtarırlar. Struktur biologiyasının metodlarından istifadə edərək Vistar İnstitutunun alimləri aşkarlayıblar ki, adi B3 vitamininin niasin kimi də tanınan komponenti sirtuinlərin molekulunda müəyyən sahə ilə birləşib, onların fəaliyyətini dayandırır. Bu o deməkdir ki, mane olan komponentin fəaliyyətini neytrallaşdırıb sirtuinlərin lazımi fəaliyyətini aktivləşdirən preparat hazırlamaq mümkündür. Tədqiqatın müəllifi Ronen Marmorsteyn deyir: «Bizim nəticələr sirtuinləri fəallaşdıran preparatların yaradılmasının yeni yolunu təklif edir». Cənab Marmorsteyn deyir ki, onu həm də köklük və ikinci dərəcəli şəkər diabeti kimi yaş problemlərinin qarşısının alınmasının mümkünlüyü də maraqlandırır.


Günün bütün mövzuları

XS
SM
MD
LG