Türkiyənin cənub-şərqindəki daha üç yaşayış məntəqəsində «quş qripi» virusu tapılıb. «Azadlıq» radiosunun müxbiri xəbər verir ki, virusa yoluxmaqda şübhəsi bilinən üç yeniyetmə xəstəxanaya yerləşdirilib. Təhlükəli zonada karantin elan edilib, bir neçə məktəb bağlanıb.
Səhiyyə Nazirliyinin nümayəndəsinin bildirdiyinə görə, karantin zonasında yerləşən bütün məktəblilərdə virusun olub-olmaması yoxlanılacaq. Artıq 1500-dən çox ev quşu məhv edilib, baytarlıq xidmətləri onları kiçik məzarlarda yandırır.
Virus Türkiyədə bir həftə əvvəl şəxsi fermalardan birində aşkarlanıb.
Ötən il Türkiyədə «quş qripi» epidemiyası zamanı dörd adam ölüb.
